😊😊 連續四年遙距領填詞人獎 「至少字幕上有名」的黃偉文
商台今晚（1 日）舉辦 2024 年度叱咤樂壇流行榜頒獎典禮，填詞人大獎由黃偉文獲得。今次是他第十一度獲填詞人獎，也是連續第四年遙距領獎。
他在影片中表示，不介意自己不再領獎，「聽起嚟好似唔係好謙卑，不過我相信大家聽得出裏面嘅真心，我想講嘅係，其實我唔一定要再攞呢個獎。雖然，再攞我都會好開心，但係我願望其實好卑微，我只係想繼續有得寫，咁樣就得。或者話人生去到呢個階段，我想追求嘅唔係高播放率，而係繼續寫，寫得好啲，寫得再有趣啲，繼續寫到大家有共鳴嘅作品。」
他續說，即使未來不再如此在致謝片中出現，「或者未必可以喺呢個頒獎禮上出現，就算我喺台下，或者遙遠嘅地方，我應承大家，我都會攞晒自己出嚟，貢獻俾我心愛嘅廣東歌。除非有一日，大家已經唔再睇得出我寫嘅嘢同其他人有咩分別，除非有一日大家唔要我啦。不過就算攞唔到呢個獎，我都希望我嘅作品繼續可以喺呢個頒獎禮嘅舞台上出現，因為至少喺呢度，我個名可以喺字幕上出現。」
內地歌唱節目《聲生不息》中，黃偉文的作品雖然有被選唱，但填詞人一欄往往「被消失」，做法疑與其政治立場有關。
得獎片段的最後，黃偉文這樣介紹自己，「大家好，我係其中一個深愛香港嘅廣東歌填詞人，我個名叫黃偉文。祝大家新年進步，身體健康。廣東歌萬歲！」
商台今晚（1 日）舉辦 2024 年度叱咤樂壇流行榜頒獎典禮，填詞人大獎由黃偉文獲得。今次是他第十一度獲填詞人獎，也是連續第四年遙距領獎。
他在影片中表示，不介意自己不再領獎，「聽起嚟好似唔係好謙卑，不過我相信大家聽得出裏面嘅真心，我想講嘅係，其實我唔一定要再攞呢個獎。雖然，再攞我都會好開心，但係我願望其實好卑微，我只係想繼續有得寫，咁樣就得。或者話人生去到呢個階段，我想追求嘅唔係高播放率，而係繼續寫，寫得好啲，寫得再有趣啲，繼續寫到大家有共鳴嘅作品。」
他續說，即使未來不再如此在致謝片中出現，「或者未必可以喺呢個頒獎禮上出現，就算我喺台下，或者遙遠嘅地方，我應承大家，我都會攞晒自己出嚟，貢獻俾我心愛嘅廣東歌。除非有一日，大家已經唔再睇得出我寫嘅嘢同其他人有咩分別，除非有一日大家唔要我啦。不過就算攞唔到呢個獎，我都希望我嘅作品繼續可以喺呢個頒獎禮嘅舞台上出現，因為至少喺呢度，我個名可以喺字幕上出現。」
內地歌唱節目《聲生不息》中，黃偉文的作品雖然有被選唱，但填詞人一欄往往「被消失」，做法疑與其政治立場有關。
得獎片段的最後，黃偉文這樣介紹自己，「大家好，我係其中一個深愛香港嘅廣東歌填詞人，我個名叫黃偉文。祝大家新年進步，身體健康。廣東歌萬歲！」